بمناسبة يوم المرأة العالمي



ضربها... والذنب...انها مرا
قتلها... والعذر... انّو بغار

هيدي الرجولة قولك...يا ترى!؟
او ان الرجولة هيبة ووقار؟

والله اللي صاير... جرم ومسخرة
وع كل الرجولة... مسجل العار 

عيب علينا نسكت ع اللي جرا
وواجب نكون لحقوقها انصار

مطرحا "حوا" مش عتم المقبرة 
مطرحا بيتا.... متوّجة بالغار

"حوا" لاقاها "آدم" جوهورة
ودوّر عليها... بالدني دوار 

"حوا" ما بتنباع وعيبي تنشرا
نص الدني هيّ... ونعمة الاقدار

امك... دمها بشريانك جرا
واختك... خلت دنيتك انوار 

مرتك... قيمة كبيرة.... قدرا
وبنتك سرك... احفظ الاسرار

@@كل عام وانتِ بخير@@
بلال الصنديد