))كَرْم الشّعر((



يا سائل ع الشّعر... والكَرَم بأبياتو
اسمحلي قول وعبّر بالصّراحة
الـْ اسمو شاعر... وْلَا يوم بحياتو
بِخِل ع النّاس... بإحساس وفصاحة
كَرْم الشّعر... ع الدّرب عنباتو
متل الشّمس لامعة ووضّاحة
الـْ اسمو شاعر... من كَرْم جوّاتو
بيمدّ سفرة... ما تساعا مساحة
ولما يحمل ريشتو بدياتو
بيصير الورق... للكَرَم ساحة
****************************************

كروم الشعر عنباتا منوعين
ولمّا بيعتقوا بيصيروا زبيب
حلوين... طيبين... وبين السهرانين
من ايد لإيد... بيتناقلوا للطيب
عرازيل الشعر... دايماً حاملين
والأمل فيهم عمرو ما يخيب
مواسم منيحة... وسلّات مليانين
ما بينقصوا كثير... ان طعموا الحبيب