أخبار ساخنة

((مات المجرم))



 ثمان سنين... بالدّني تعذّب

وياما كتب... بالعذاب فصول
لهيب النّار... يا "شارون" قرّب
وشو فكرك... يوم القيامة تقول!؟
عذاب الآخرة... محضّر مرتّب
وبالدّني آية... كنت مشلول
بركي الظّالم... من حالك تأدّب
وحرّر ضميره... الـْ بالعتم مغلول
/////////////////////////////////////

 

مات الّلي فظّع فيكم يا عرب
ويللّي... بدمّ الحقد... مجبول
فيقوا من النّوم... يا عُجب العجب
وخلّوا ولادكم يعرفوا المعقول!
معقول... بيوم... ما نعود ننغلب
وسيف النصر قدامنا مسلول!
معقول... رجال البطولة والشنب
يرجع شنبها شامخ ومفتول!
معقول... نكتب بكرا...  بالذّهب
من بعد تاريخ... بالفخر مصقول
معقول... نرجّع... أمجاد الأدب
ونعيش الدّني... بالعلم ع طول!
معقول... نتنكّر... للجاهل "بو لهب"
وما يبقى ببلادنا... فاسد المسؤول!
معقول... نفخر بالأخوة والنسب
وحبل المحبّة... بالفعل موصول!
/////////////////////////////////////

 

معقول نشوف... نتيجة بْلا سبب!؟ 
والمستحيل عنّا... ينقلب معقول!؟
مات المجرم... ورح يبقى العتب
ع أمة نايمة... ع فراش التعب
تـا صار بكرا... غافي بالمجهول!!!
/////////////////////////////////////