))لبنان((



 لبنان... يا أرض الفرح والنّور
متلك ما شافت دِني وجابت
بعدا الكرامة... من زمن ودهور

لا غادرت أرضك... ولا سابت
أرزك بمجده... مشتلة بخّور

وأبيضك رمز... جبالنا الشّابت
أخضرك... من كتر ما كنت منصور

والغار واقف ع قمّتك ثابت
والأحمر يلّي برايتك مسطور
لون الشّهادة... اللي انتصرت وصابت
ياما إجا جيوش وفِكْرها بالزّور

تحتل عرشك... انهزمت وخابت
بيروت... صيدا... وبعلبك... وصور

ملحمة... ولا يوم... عن عزّتا تابت